Диалог алаңы

Ғылыми-сараптамалық кеңес

Ғылыми-сараптамалық кеңес шетелдегі қазақтар мен репатрианттардың мәселелерін шешу бойынша ғылыми негізделген ұсынымдар әзірлеу мақсатында құрылған жұмысшы топ болып табылады.

Кеңестің негізгі міндеттері:

- Шетелдегі отандастар мен тарихи Отанына келген этникалық қазақтардың әлеуметтік-құқықтық жағдайын зерттеу бойынша Қоғамның қызметін ғылыми-сараптамалық және талдамалық сүйемелдеу;

- Шетелдегі қазақтардың мәселелерін зерттеу саласындағы ғылыми-зерттемелік тақырыптамаларды ғылыми сарапшылық негіздеу;

- Қоғамның ғылыми-зерттемелік жұмыстарының нәтижелері бойынша ұсынымдар әзірлеу;

- Қазақ диаспоралары және репатрианттарды қолдауға, олардың құқықтары мен мүдделерін қорғауға бағытталған бағдарламалық құжаттарды және нормативтік-құқықтық актілерді әзірлеу.

Қоғамдық комиссия

Қоғамдық комиссиясы тұрақты жұмыс істейтін кеңесші алқа. Комиссияның негізгі міндеті – отандастарды қолдау мәселелері бойынша республикалық деңгейде талқылау ұйымдастыру және шешім қабылдау кезінде жұртшылық мүддесін білдіру, пікірін ескеру.

Комиссияның құзыретіне кіретіндер:

- Мемлекеттік органдарда диаспоралық саясат және отандастарды қолдау мәселелері бойынша Қоғамның мүдделерін білдіру;

- Диаспоралық саясат және отандастарды қолдау саласындағы заңнаманы жетілдіру жөнінде ұсыныстар енгізу;

- Диаспоралық саясат және отандастарды қолдау мәселелеріне қатысты мемлекеттік органдар қабылдаған шешімдеріне мониторинг жүргізу;

- Диаспоралық саясат және отандастарды қолдау саласында ерекше көзге түскен азаматтарды марапаттау.

ЖАСТАР КЛУБЫ

- Диаспоралды саясаттағы жастар үшін өзекті трендтерді анықтау және оны белсенді түрде жүзеге асыру;

- Жастарға арналған жаңа жобаларға бастамашы болу;

- Қазақ диаспораларында волонтерлық желі қалыптастыру.