1. Шетелдегі отандастарды қолдау департаменті

 

‒ мәдени-гуманитарлық бағыт бойынша

 

Қазақ мәдени орталықтарымен, қазақ қауымдарымен, ҚР шетелдердегі мекемелерімен мәдени-гуманитарлық және іскерлік байланыстарды дамыту және кеңейту мақсатында ағымдағы жылдың қаңтар-желтоқсан айлары аралығында әлемнің 20 елінен (Ресей, Иран, Қырғызстан, Түркия, Өзбекстан, Моңғолия, Ұлыбритания, Оңтүстік Корея, Жапония, Финляндия, Норвегия, Германия, Литва, АҚШ, Швейцария, Канада, Украина, Нидерланды, Латвия, Франция) 4 500-ден астам отандастарымыздың қатысуымен 15 іс-шара, 20 кездесу, 4 конференция, 4 онлайн/офлайн жобалар өткізілді.

Олардың ішінде:

• Халықаралық шығармашылық байқаулар: «Қазақстан жүрегімде!», «Ұлы Дала ұстазы», әлемнің 10 елінен этникалық қазақтар мен қандастардың қатысуымен.
• 20 елден: Оңтүстік Корея, Тәжікстан, Қырғызстан, РФ, АҚШ, Канада, Бельгия, Ұлыбритания, Германия, Испания, Түркия, Латвия, Литва, Франция, Швеция, Украина, Нидерланды, Швейцария, Голландия, Португалиядан ҚМО көшбасшыларымен 3 онлайн-кездесу;
• Қырғыз Республикасының Бішкек қ. этникалық қазақтармен және отандастармен кездесу. Іс-шараға қазақ диаспорасы қатарынан 300-ден астам адам қатысты;
• Өзбекстандағы қазақ ұлттық мәдени орталықтарының басшыларымен отандастармен кездесу.

2021 жылы «Abai Uii» мәдени іскерлік үйлерінің бірыңғай желісін құру» (бұдан әрі – МІҮ) жобасы шеңберінде Қырғызстанда (Бішкек қ.) Қырғыз Республикасындағы қазақтар қауымдастығы базасында «Abai Uii» МІҮ ашылды.

Онлайн-форматта өзара ынтымақтастық туралы Меморандумдарға қол қойылды:

1. Мюнхен қаласындағы (Германия) Қазақстан-Неміс достығы қоғамдастығымен KULTUR UND SPORTVEREIN QAZAN E.V.;
2. Жапониядағы қазақтар қауымдығы.

Анықтам үшін:

2018 жылдың қараша айынан бастап барлығы шет елдердегі қазақ мәдени орталықтарымен 71 меморандумға қол қойылды және 6 «Abai Uii» МІҮ ашылды.

Қоғам келесі онлайн-жобаларды іске асыруда:

1. «Қандаспен келген қазына» жобасы аясында 25 қандаспен                       24 сұхбат жазылды.
2. «Қазақ ұлтының рухани байлығы» жобасы аясында қазақтың салт-дәстүрлері саласындағы сарапшылармен 10 кездесу ұйымдастырылды.
3. Ұлттық аспаптарда (домбыра, қобыз және т.б.) ойнауға оқыту бойынша «ҰЛТТЫҚ САЗ АСПАПТАРЫ» онлайн-жобасы бойынша 27 сабақ өткізілді, оған әлемнің 13 елінен (Ресей, Иран, Қырғызстан, Түркия, Өзбекстан, Моңғолия, Ұлыбритания, Оңтүстік Корея, Жапония, Финляндия, Норвегия, Германия, Литва) 45 этникалық қазақтар және Қазақстанға қоныс аударған қандастар қатысты.
4. «Отандастар кітапханасы» жобасы аясында шетелде тұратын отандастар мен қандастар кітаптарының 5 тұсаукесері өткізілді.
5. 4 мақала жарияланды:

1. «Abai Uii» мәдени-іскерлік үйінің атқарар міндеті мол» (turkystan.kz, ақпан);
2. Әлем қазақтарының Наурызды тойлауы (el.kz, сәуір);
3. «АДАМЗАТТЫҢ БӘРІН СҮЙ «БАУЫРЫМ» ДЕП...» Абай Құнанбаевтың туған күніне орай: (el.kz, тамыз);
4. «Қазақстан-жүрегімде!» байқау «Мәңгілік ел» мәртебесін асырды» ҚР Тәуелсіздігінің 30 жылдығына: (el.kz, қыркүйек).

 

‒ білім беру, қазақ тілін оқыту және жастармен жұмыс бағыттар бойынша

 

1. «Шетелде тұратын қазақ диаспорасы өкілдерінің ішінен шыққан оқушылар арасындағы шығармашылық конкурс» 2021 жылғы 16 тамыз бен 16 қазан аралығында өтті. Байқау «Ұлт ұстазы Ыбырай Алтынсариннің 180 жылдық мерейтойына» орай ұйымдастырылды. Жалпы 222 адам байқауға қатысуға ниетті екендігін көрсетіп, оның 174-і толық шарттарды орындап, байқау қатысушысы атанды. 10 қатысушы жеңімпаз атанып, бағалы сыйлықтарға ие болды.
2. «Шетелде тұратын және Қазақстанда оқитын этникалық қазақтар үшін Қазақстанның киелі жерлеріне экскурсиялар өткізу» жобасы 2021 жылғы 11-14 қазан аралығында Алматы қаласы мен Алматы облысында ұйымдастырылды. Оған Түркия, Жапония, Иран, Ресей, Қытай, Моңғолия мен Өзбекстантан 21 отандасымыз қатысты. Жоба барысында қатысушылар Алматы қаласының (Республика алаңы, Райымбек батыр кесенесі) және Алматы облысының (Есік қорғаны, Шарын шатқалы, Көлсай көлдері, Қайыңды көлі) киелі жерлерін аралады.
3. «Қазақстанның жоғары оқу орындарында білім алып жатқан шетелдегі қазақ қауымдарының өкілдері арасынан шетелдік студенттермен кездесулер ұйымдастыру» жобасы аясында дайындық бөлімдерінің басшыларымен және студенттері (660-ден астам адам)                            9 кездесулер ұйымдастырылды.
4. Шетелде «Онлайн-сыныптардың» жұмысын ұйымдастыру» жобасы шеңберінде:

• «Шетелде онлайн-сыныптардың жұмысын ұйымдастыру» қызметін орындау үшін Ұйымдастыру комитеті құрылды;
• онлайн сабақтарды ұйымдастыру бойынша қызметтерді жеткізуші анықталды ‒ «Bilim Innovations Group» ЖШС, екіжақты келісімшарт жасалды.

Жалпы 2021 жылы жалпы саны 780 онлайн сабақ өткізілді.

Қоғам қазақ тілі курсынан басқа тілге қатысты бірқатар жобаларды бастады:

• 25 ақпанда қазақ тілінде сөйлейтін басқа ұлт өкілдерімен тікелей эфирде «Тіл – достық көпірі» жобасының алғашқы шығарылымы өтті. Жалпы есепті кезеңде 10 Тікелей эфир өткізілді.
• 27 ақпанда Иран мен Түркияда, Түркия мен Ресейде, Иран мен Ресейде, Ресей мен Өзбекстанда, Моңғолия мен Жапонияда, Түркия мен Жапонияда тұратын отандастар арасында «Береке бас – бірлік» жобасы бойынша кездесу өтті.
• 22 маусымда «Қазақ поэзиясы» атты жобаның алғашқы шығарылымы түсірілді. Жоба мақсаты – қазақ поэзиясының басқа тілдерге аударылған нұсқаларын дәріптеу арқылы қазақ тілін насихаттау.
• Курс қатысушыларына мотивациясын арттыру мақсатында «Қазақ ертегілерінің кейіпкері» атты сурет байқауы ұйымдастырылды. Байқауға Фрнация, Германия, Польша, Украина, Иран, Моңғолия, Ресей, Өзбекстан және Қазақстаннан 68 отандасымыз қатысты. 15 адам жеңімпаз атанып, диплом және сыйлықтарға ие болды.
• ІІ семестрде ең үздік нәтиже көрсеткен 8 қатысушыға қаржылай сыйақы табысталды.
• Курсқа қатысқандардың саны – 1391. Оның 336-сы курсты сәтті аяқтағаны туралы сертификатқа ие болды.

5. «Шетелдегі қазақ қауымдары өкілдерінің тұрғылықты елдің тілдік ерекшеліктерін ескере отырып, көркем және оқу әдебиеттеріне қажеттілігін айқындау» жобасы шеңберінде «Қазақ класы» жобасы бойынша қазақ тілінің онлайн курсына қатысатын отандастар арасында сауалнама жүргізіледі. Сауалнамаға Туркиядан, Ираннан, Франциядан, Ресейден, АҚШ-тан, Моңғолиядан, Финляндиядан, Испания мен Германиядан, Ұлыбритания мен Әзірбайжаннан өкілдер қатысты.

2021 жылы қазақ тілін үйрететін 30 видео-сабақ түсірілді. (2020-2021 жылдары барлығы қазақ тілінен 90 бейне сабақ түсірілді, олар 350 мыңнан астам рет қаралды). Оның ішінде, ағылшын тілінде 10 видео, орыс тілінде – 10, түрік тілінде – 10 видео бар. Видеолар Қоғамның YouTube арнасы мен әлеуметтік желідегі парақшаларына жүртелді.

Сондай-ақ ағымдағы жылдың тамыз және желтоқсан айларында Qazaqsha Speaking Club ұйымдастырылды, онда 100-ден астам қатысушы қазақ тілінде сөйлеу дағдыларын машықтанды.

 

2. Қазақ диаспорасымен жұмыс департаменті

 

1. Шетелде тұратын отандастардың қатысуымен қазақтардың кіші құрылтайын ұйымдастырып, өткізу (Ыстамбул қ., Түркия).

Шетелдегі қазақ қауымын Қазақстанның қазіргі жетістіктері туралы хабардар ету, оның ұлттық бірегейлігін сақтау, мемлекеттік саясатты іске асыру және мәдени байланыстарды нығайту мақсатында ағымдағы жылдың 22-24 қыркүйегінде Түркияда Ыстамбұл қаласында кіші құрылтай (бұдан әрі ‒ Құрылтай) өткізілді. Түрік тарапымен және Қазақстан Республикасының Ыстамбұлдағы Бас консулдығымен бірлесіп, Кіші құрылтайдың өтетін орны Ыстамбұл қаласы Бағжылар ауданындағы Кадир Топбаш атындағы халық сарайы болып белгіленген.

Құрылтай тақырыбы Қазақстан Тәуелсіздігінің 30 жылдығына арналды. Жаһандану өркениетіндегі қазақ әлемі: Ғасырға бергісіз 30 жыл (Казахский мир в глобальной цивилизации: равный веку 30 лет).

Құрылтайда Дүниежүзі қазақтары қауымдастығы төрағасының бірінші орынбасары З.Қ. Тұрысбеков пен «Отандастар қоры» КеАҚ вице-президенті М.Қ. Сарбасов, Қазақстан Республикасының Стамбул қаласындағы Бас консулы А.Д. Байел, Стамбул қаласы Бағжылар ауданы муниципалитетінің мэрі Локман Чагырыжы, сондай-ақ Түркия қазақтары қауымдастығының төрағасы Ертолкин Гайнетуллах бастаған жергілікті қоғамдық ұйымдардың басшылары және Еуропадан келген қазақ диаспорасының өкілдері, барлығы 14 адам баяндама жасады.

Құрылтайға қатысушылардың жалпы саны ‒ 200-ге жуық адам.

Құрылтай аясында жас қандастарға арналған жоғары оқу орындарының «Білім көрмесі» ұйымдастырылды, оған Әл-Фараби атындағы ҚазҰУ,                      Л.Н. Гумилев атындағы ЕҰУ, сондай-ақ халықаралық Тараз инновациялық-гуманитарлық университеті қатысты. Мысалы, еліміздің заманауи жетістіктерінің тұсаукесері үшін «Алтын тамырлы Атажұрт» көрмесі ұйымдастырылды.

Іс-шараны жергілікті ақпарат құралдары өкілдері мен отандық БАҚ-тың меншікті тілшілері шараға ақпараттық сүйемелдеу жасады.

2. Шетелдегі тұратын отандастардың қатысуымен «ҚАСИЕТТІ ҚАЗАҚ ЕЛІ» халықаралық фестивалін ұйымдастыру:

Фестивальді өткізу күні мен орны және ұйымдастыру, Естай атындағы гала – Мәдениет сарайы, 2021 жылғы 14-15 қазан. Қатысушылар мен қонақтар саны ‒ шамамен 100 адам.

Іс-шара шеңберінде ұйымдастырушылар есебінен фестиваль қонақтары мен қатысушыларының тұруы, тамақтануы және тасымалдануы және                                      С. Торайғыров атындағы Павлодар мемлекеттік университетінің жастары мен студенттері қатарынан еріктілерді тарту мәселелер шешілді.

Фестивальға іріктеу кезеңінен өткен қазақ диаспорасының өкілдері және шетелде тұратын 16 немесе одан жоғары жастағы этникалық қазақтар қатысты. Фестивальға Моңғолия, Өзбекстан, Қытай, Ресейден келген және Түркиядағы қазақ қауымдарының өкілдері қатысты.

Фестиваль қорытындысы бойынша конкурсанттарды марапаттау және фестиваль лауреаттары мен жеңімпаздарының, қазақстандық эстрада жұлдыздарының қатысуымен Гала-концерт өтті.

Сонымен қатар, «Қазақстан тәуелсіздігіне – 30 жыл» фотозона, қолданбалы өнер шеберлерінің ауқымды көрмесі және этно-өнімді сату үшін «Шығыс базары» ұйымдастырылды.

Ақпараттық агенттіктер «Қасиетті қазақ елі» халықаралық фестивалі туралы ондаған материалдар жариялады.

3. «Қазақ халқының тарихы, мәдениеті және салт-дәстүрлері туралы роликтер жасау және көрсету» жобасы бойынша 30 (отыз) әлеуметтік ролик өндірісі.

Режиссерлік сценарийге сәйкес түсіру және монтаждау жұмыстарын жүзеге асыру – түсіру және монтаждау-әзірлеу уақыттары режиссерлік сценарийге және календарлық-қойылым жоспарына сәйкес жүзеге асырылды. Тсүрілім Алматы, Шымкент, Ақтау және Көкшетау қалаларында жасалды.

Роликтерді түсіруге театр мен киноның маман актерлерімен басқа әуесқой актерлар да тартылды.

Ақпарат және қоғамдық даму министрлігімен 30 бейнероликтің сценарийі келісілді. Бейнероликтерді түсіру кезінде драматургиялық, тілдік, музыкалық, бейнелеу-пластикалық элементтерді қамтитын жанрға сәйкес сценарий мен мәнерлі құралдар мазмұнының талаптары сақталған.

Бейнероликтер өндірісі HD форматында сандық жоғары кәсіби түсірілім және монтаждау жабдығымен жүзеге асырылды.

 

3. Қандастарды қолдау департаменті

 

1. 2021 жылы шетелдегі және Қазақстан Республикасына қоныс аударған этникалық қазақтарды қолдауды қамтамасыз ету жөніндегі қызметтері аясында ҚАҚО-ға барлығы 5540 өтініш-сұрақ түсті және өңделді. Оның ішінде:

• Фронт-кеңсе – 3509 өтініш;
• Байланыс орталығы – 762 қоңырау;
• Бэк-кеңсе – 307 өтініш;
• Мессенджерлер, әлеуметтік желілер және komek@oq.gov.kz эл.поштасы – 962 хабарлама келіп түсті.

ҚР-ға қоныс аударған этникалық қазақтарға ақпараттық қолдау көрсету мақсатында 14 өңірде (Ақмола, Алматы, Қарағанды, Павлодар, Жамбыл, Шығыс Қазақстан, Батыс Қазақстан, Солтүстік Қазақстан, Түркістан, Маңғыстау, Ақтөбе облыстары және Нұр-Сұлтан, Алматы, Шымкент қалаларында) фронт кеңселер жұмыстарын жандандырды.

Қандастар мәселелері бойынша уәкілетті мемлекеттік органдармен ынтымақтастықты орнату және нығайту мақсатында Қоғам орталық және жергілікті деңгейдегі мемлекеттік органдар қатысқан 55 онлайн және офлайн іс-шаралар (14 мемлекеттік органдар мен қандастар арасында кездесу, 25 онлайн кездесу, 3 оқу семинары, шетелден Қазақстанға қоныс аударған қандастарды күтіп алу аясында 3 кездесу және ҚАҚО жұмысының негізгі бағыттары бойынша 10 тікелей эфир мен сұхбаттар) өткізді/қатысты.

Бұдан басқа, қандастарды қолдау департаменті қоғамға жүктелген міндеттерді іске асыру және этникалық қазақтарды қолдау бағытындағы өзара іс-қимыл мақсатында 2021 жылы уәкілетті мемлекеттік органдарға 143 хат жолдады.

2. Ақпаратпен қамтамасыз ету мақсатында:

• «Қандастар ақпараттық қолдау орталығы» туралы флаерлер, билбордтар дайындалып, ЖАО, СІМ және ҚР ІІМ КҚК веб-порталдарда және барлық орындар үшін қолжетімді жерлерде орналастыру үшін жіберілді;
• еліміздің 14 өңірінде қоғамдық орындарда және қандастар жиі баратын орындарда 100-ге жуық билбордтар орналастырылды (Шымкент қаласында және Ақмола, Алматы, Түркістан, Қарағанды, Қостанай, Павлодар, Қызылорда, Жамбыл, Атырау, Маңғыстау, Шығыс Қазақстан, Батыс Қазақстан, Солтүстік Қазақстан облыстарында);
• еl.kz ақпараттық порталында көші-қон процесіндегі 5 Мемлекеттік қызмет бойынша түсіндірме инфографикасы қазақ және орыс тілдерінде жарияланды;
• жиі қойылатын сұрақтар мен жауаптар анықтамалығында нормативтік-құқықтық құжаттар мен мемлекеттік бағдарламалар бойынша ақпарат жаңартылған Анықтамалықта жиі қойылған 51 сұрақ-жауабымен енгізіліп, Қоғамның ресми сайтына жарияланды;
• Қоғам тарапынан шетелдегі этникалық қазақтармен және елге көшіп келген қандастармен жұмыс жасау жөнінде әдістемелік нұсқаулық 2 тілде әзірленіп, мемлекеттік органдарға жолданды.
• ЖСН алғаннан бастап ҚР азаматтығын алғанға дейін мемлекеттік қызметтерді алу тәртібін түсіндіретін 4 бейнероликтен тұратын топтама түсірілді және әлеуметтік желілер мен «Otandastar channel» арнасында орналастырылды (https://www.youtube.com/). (Шетелдік азаматтардың ЖСН алу, «қандас» мәртебесін ресімдеу, Қазақстан аумағында тұрақты тұруға рұқсат алу және ҚР азаматтығын бір мезгілде ресімдеу тәртібі, сондай-ақ отандастарды қабылдаудың өңірлік квотасына енгізу тәртібі бойынша).

6. Қазіргі уақытта, басымдыққа ие 5 өңірдің әлеуметтік-экономикалық даму деңгейін шолуға және қоныс аударуға қолайлы елді мекендерді таңдауға мүмкіндік беретін «Erulik.kz» веб-платформасының жұмыс істеуі қалыпты жағдайда жүргізіліп келеді. Сонымен қатар, пайдаланушыларға веб-платформаның (erulik.kz) барлық бөлімдеріндегі ақпараттар мен қызметтері толығымен қолжетімді. 

«Елді мекендерге шолу» бөлімінде ЖАО ұсынған 2815 елді мекеннің деректер базасы өңделіп, веб-порталында орналастырылды.

Erulik.kz порталын басқару, дамыту және қауіпсіздігін бақылау жұмыстары штатты режимде жүргізілуде, қазіргі уақытта веб-платформаның хостингі Қоғамға қарасты хостингке көшірілді.

Сайттың мәтіндік және визуалды мазмұны уақытылы жаңартылып отырады. Erulik.kz порталы іске қосылғалы бері веб-платформаны 1400 адам пайдаланған. Қолданушылар 3,6 мың әртүрлі парақшалар қарап, жалпы саны 12 мың іс-әрекеттер жасап, ақпараттармен танысқан.

Веб-платформаны пайдаланушылар көбіне Қазақстан, Қытай, Иран, АҚШ, Ресей, Ұлыбритания, Өзбекстан, Германия, Франция және Түркия елдерінің тұрғындары болып табылады.

 

4. Ақпараттық-талдау департаменті

 

• 2021 жылы үш іс-шара бойынша «Репатриация және шетелдегі отандастармен өзара іс-қимыл мәселелері бойынша талдамалық зерттеулер» жүргізілді, атап айтқанда:

I іс-шара. Шетелдегі отандастармен өзара әрекеттесу мәселелері бойынша зерттеулер. Зерттеу елдер: Ресей, Моңғолия, Иран, Қытай, Өзбекстан, Түрікменстан.

ІІ іс-шара. Тарихи және этникалық Отанына оралған этникалық қазақтардың демографиялық және интеграциялану мәселелерін зерттеулер.

ІІІ іс-шара. «Отандастар қоры» КеАҚ жанындағы Қоғамдық комиссиясының отырысын өткізу.

Шетелдік және Қазақстан Республикасына келген этникалық қазақтарды қолдауды қамтамасыз ету саласындағы өзекті проблемалар бойынша мәселелерді талқылау шеңберінде 2021 жылы Қазақстан Республикасы Парламенті Сенатының Әлеуметтік-мәдени даму және ғылым комитетінің төрағасы Мұрат Бақтиярұлының төрағалығымен «Отандастар қоры» КеАҚ жанындағы Қоғамдық комиссияның 2 отырысы өтті.

Комиссияның бірінші отырысы 2021 жылғы 12 наурызда өткізілді.

Отырыс барысында шетелдік қазақтардың ұлттық тиесілігін айқындау; шетелдегі қазақ мәдени орталықтарын қолдау және қазақстандық телебағдарламаларды шетелде тарату мәселелері талқыланды.

Қабылданған шешімдер ҚР Үкіметі жанындағы шетелдегі отандастармен мәдени-гуманитарлық байланыстарды дамыту жөніндегі ведомствоаралық комиссияның қарауына ұсыну үшін ҚР Ақпарат және қоғамдық даму министрлігіне жолданды.

Комиссияның екінші отырысы 2021 жылғы 15 қазанда өткізілді.

Іс-шара барысында қандастардың ҰБТ тапсыру механизмін оңтайландыру немесе ҰБТ-дан басқа да альтернативті жолдарды ұсыну, қос азаматтық; шетелдегі қазақ мәдени орталықтарын қолдау, Солтүстік Қазақстан облысында репатрианттарды қоныстандырудың өзекті мәселелері, Азаматтық алған қандастардың шетелдік еңбек өтілін есепке алу, сондай-ақ басқа да өзекті мәселелер қозғалды.

Отырыстарды өткізу шеңберінде БАҚ-та 22 ақпараттық материалдардың шығуы ұйымдастырылды (3 республикалық басылымында, 9 телеарналардың жаңалық бөлімінде, 20 ақпараттық агенттіктер мен әлеуметтік желілердің жаңалық бөлімдерінде).

• Қазақстан Республикасының Мемлекеттік хатшысы Қырымбек Елеуұлы Көшербаевтың төрағалығымен жаңартылған құрамда (2021 жылғы 30 Қарашада) «Отандастар қоры» КеАҚ-ның Қамқоршылық кеңесінің отырысы өтті.
• Нормативтік-құқықтық актілердің келесі жобаларына ұсыныстар дайындалды (Мемлекеттік бағдарламалар, Тұжырымдамалар):

• Қазақстан Республикасы Көші-қон саясатының 2022-2026 жылдарға арналған Тұжырымдамасы;
• «Еңбек» Нәтижелі жұмыспен қамтуды және жаппай кәсіпкерлікті дамытудың 2022-2026 жылдарға арналған Ұлттық жобасының Тұжырымдамасы;
• «Қуатты өңірлер – ел дамуының драйвері» Ұлттық жобасы;
• Қазақстан Республикасының агроөнеркәсіптік кешенін дамытудың 2022 – 2026 жылдарға арналған ұлттық жобасының Тұжырымдамасы;
• «Бизнестің жол картасы – 2025» бизнесті қолдау мен дамытудың Мемлекеттік бағдарламасы.

• 2021 жылы АҚДМ-ға 22 талдау анықтамалары мен жазбалар дайындалып, жіберілді.
• Жүргізілген жұмыс қорытындысы бойынша республикалық басылымдары мен басқа да БАҚ-та мемлекеттік және орыс тілдерінде 17 мақала дайындалып, жарияланды.
• 2021 жылы жүргізілген талдамалық зерттеулер, сондай-ақ Қоғамдық комиссия отырыстары нәтижесінде 170-тен астам ұсыныстар мен ұсынымдар әзірленді, олар тиісті мемлекеттік органдарға (ЕХӘҚМ, СІМ, АҚДМ, ІІМ, БҒМ) жіберілді.

 

5. Баспасөз қызметі

 

Қандастар туралы ақпараттар мен жарияланымдар жинау міндеттеріне сәйкес 30-дан астам БАҚ пен әлеуметтік желілерге мониторинг жүргізіледі

Анықтама үшін:

Қазақстанның бұқаралық ақпарат құралдары негізінен Қытай Халық Республикасында және Иран Ислам Республикасында таралуымен шектелген.

Отандық және шетелдік БАҚ пен әлеуметтік желілерін мониторинг жасау нәтижесінде ел ішінде де, шетелде де отандастарға қатысты 604 материал анықталды, оның ішінде қазақ тілінде ‒ 396, орыс тілінде ‒ 161 және ағылшын тілінде ‒ 47.

Шетелдегі қазақ тілді БАҚ-тармен өзара қарым-қатынас орнату мақсатында отандық және шетелдегі бұқаралық ақпарат құралдарына «Отандастар қоры» КЕАҚ мен қандастар туралы 27 ақпарат жарияланды.

Ай сайынғы есеп бойынша резонансты оқиғаларға дер кезінде әрекет ету бойынша 12 ұсыныс берілді.

2021 жылғы қараша айында «Шетелдегі қазақ тілді БАҚ ассоциациясын» құрылды.

Отандастарымызға пайдалы ақпаратты дайындау және өзектендіру мақсатында Қоғамның домен бойынша oq.gov.kz ресми сайт жұмыс істейді. Есепті кезеңде сайтта қазақ және орыс тілдерінде 177 материал жарияланды.

Сондай-ақ ақпараттық жұмысты күшейту шеңберінде Қоғам және «El.kz» порталы бірлескен жұмыс жоспары бекітілді, оның аясында бірлескен жобалар дайындалды. Жоспарға сәйкес, «El.kz» порталында қазақ және орыс тілдерінде 46 материал, сондай-ақ «Көш» жобасына арналған 10 спикер бейне-сұхбат форматында ұсынылды.

Шетелдік және елге келген қазақтармен өзара іс-қимыл саласындағы өзекті мәселелер бойынша республикалық және өңірлік баспа БАҚ-та 20 мақала мен сұхбат жарияланды.

Отандастар үшін өзекті ақпаратты ұсыну мақсатында сайтта репатриациялау кезінде қолдау шаралары мен көрсетілетін мемлекеттік қызметтер бойынша «Қандасқа кеңес» (Полезные советы) атты жаңа айдар ашылды. Есепті кезеңде айдарда 23 инфографика жарияланды. Сонымен қатар көптеген онлайн жобалар ұйымдастырды. Оларды әлеуметтік желіде насихаттау мақсатында 36 арнайы афишалар мен постерлер жасалып отырды.

Әлеуметтік желілерде қоғамның контентін одан әрі дамыту бойынша 963 пост жарияланды.

Қоғамның «Otandastar channel» атты YouTube-арнасына (https://www.youtube.com/channel/UCuKN7IPPq7fGjKWz9MjaYYA) жүктеліп отырды. 2021 жылы арнаға 75 видео жүктелді.

Бүгінгі таңда Қоғамның әлеуметтік желілеріне жазылушылар саны                   91921 адамды құрайды. Оның ішінде: Facebook – 6738, Instagram – 80002, Youtube – 4779, Телеграм – 333, ВКонтакте – 51, Twitter – 18 жазылушы).